قدرت نے ہر شے میں کوئی نہ کوئی شفاء رکھی ہے جن کے حوالے سے ہم لاعلم ہوتے ہیں۔ اب جیسا کہ پھل اور سبزیاں انسانی صحت کے لیے انتہائی مفید سمجھی جاتی ہیں اور ڈاکٹرز بھی مریضوں کو پھل اور سبزیاں کھانے کی تجویز پیش کرتے ہیں جن کو نظرانداز کر دیتے ہیں۔
سب سے اچھی بات فروٹس اور سبزیوں کے کھانے کا بھی فائدہ ہے اور ساتھ ہی ساتھ ان کو چہرے پر لگانے کا بھی۔
تو آج ہم ایک سبزی کے بارے میں آپ کوبتانے جا رہے ہیں جو آپ کے لیے کسی خزانے سے کم نہیں ہے اور اس کے بے شمار فوائد موجود ہیں۔
اس بہترین سبزی کا نام ہے' کھیرا' جس کا استعمال عام طور پر کھانے کے ساتھ سلاد کے طور پر کیا جاتا ہے۔ کھیرے کئی سائز اور مختلف شکلوں کے بھی ہوتے ہیں۔
کھیرے کے طبی فوائد
1- کھیرے کا استعمال دل کے مریضوں کے لیے انتہائی معاون ہے، کیونکہ اس سے کولیسٹرول لیویل بہتر ہوتا ہے جس سے دل کی صحت اچھی رہتی ہے۔
2- جیسا کہ سب جانتے ہیں کہ کھیرا پانی کی کمی کو پورا کرتا ہے۔ جن افراد کو معدے کی شکایت ہوتی ہے انہیں کھیرے کا استعمال لازمی کرنا چاہئے۔
3- ایک تحقیق کے مطابق کھیرا ہڈیوں کو مضبوط بناتا ہے خاص کر بوڑھے افراد کے لیے کھیرا بہت بہتر ہے۔
4- جس طرح کھیرا کھانے سے اندرونی طور پر انسان صحت کی نعمت سے مالا مال رہتا ہے اسی طرح کھیرے کے ٹکڑے جلد پر لگانے سے جھریوں کا خاتمہ ہوتا ہے۔ اس کے علاوہ کھیرے کا ایک ٹکڑا منہ میں رکھنے سے سانس کی بدبو اور سانس کی خرابی دور ہو جاتی ہے۔
5- کھیرا ذیابطیس کے مریضوں کے لیے بھی انتہائی مفید ہے۔ کھیرے کا رس لبلبے انسولین بنانے میں مددگار ثابت ہوتا ہے جو کہ شوگر کے مریوضوں کے لیے اہم ہے۔
6- کھیرے کے ٹکڑے آنکھوں کے نیچے ہلکوں کو ختم کرنے کے لیے بھی استعمال میں لائے جا سکتے ہیں۔ کیونکہ یہ جلد کے لیے بہت مؤثر ہے۔