فون کے ساتھ گاڑی بھی خراب ہو سکتی ہے! اگر آپ بھی اپنی گاڑی میں موبائل چارج کرتے ہیں تو ٹھہریں! ایک بار یہ نقصانات لازمی جان لیں

ہم اپنی گاڑی میں کہیں بھی دور کا سفر کریں تو فون کی بیٹری ختم ہونے پر لازمی گاڑی کی بیٹری کے ذریعے چارج کر لیتے ہیں لیکن کیا آپ اس عمل کے نقصانا سے واقف ہیں؟

جیسا کہ اس باتر سے ہم سب ہی آگاہ ہیں کہ ہمارے فون کا چارجر ہمیں اتنی ہی بجلی فراہم کرتا ہے جتنی ہمیں فون کو چارج کرنے کیلئے ضرورت ہوتی ہے، لیکن گاڑی میں موجود ’یو ایس بی پورٹ‘ اکثر آپ کے موبائل کو چارج کرنے کے لیے کم پاور فراہم کرتا ہے جس کی وجہ سے موبائل فون ٹھیک طریقے سے چارج نہیں ہو پاتا۔

تاہم اس حوالے سے ایک موبائل کمپنی میں ٹیکنیشین کی حیثیت سے کام کرنے والے بریڈ نکولس کا کہنا ہے کہ ہمارے فون کو چارج ہونے کے لیے 1سے 3 (Ampere) امپئیر درکار ہوتے ہیں جو کہ فون کا چارجر ہی فراہم کر سکتا ہے۔

انہوں نے کہا کہ اگر فون کو کسی دوسرے چارجر یا گاڑی کے یو ایس بی پورٹ سے چارج کیا جائے گا تو یہ اسمارٹ فون کی کارکردگی کو بھی نقصان پہنچا سکتا ہے جبکہ اس وجہ سے فون کی بیٹری بھی خراب ہو سکتی ہے۔

ان کا کہنا تھا کہ سفر کے دوران موبائل فون کو چارج کرتے وقت یہ ضرور محسوس کیا ہو گا کہ ہمارا فون 30 سے 60 منٹ کے دوران یا تو بہت کم چارج ہوتا ہے یا تو ہوتا ہی نہیں ہے۔ اس کی وجہ یہ ہوتی ہے کہ ہمیں اپنے فون کو چارج ہونے کے لیے جتنا پاور چاہیے ہوتا ہے، گاڑی کا یو ایس بی پورٹ فون کو اس سے کم پاور فراہم کرتا ہے۔

اگر آپ اپنے اسمارٹ فون کو کسی ایسی گاڑی میں چارج کرتے ہیں جو کہ بالکل نئی ہو تو ایسا کرنا آپ کی گاڑی کو بھی نقصان پہنچا سکتا ہے کیونکہ گاڑی نئی ہونے کی وجہ سے اس کی بیٹری طاقتور ہوتی ہے اور موبائل فون کو یو ایس بی پورٹ میں لگا کر چارج کرنے سے موبائل اِس گاڑی کی بیٹری کو جلدی ختم کر سکتا ہے۔