گھر کی بجلی سے چارج ہونے والی گاڑی نے سب کو حیران کردیا، مارکیٹ میں کب تک دستیاب ہوگی؟

آج دنیا نے اتنی ترقی کرلی ہے کہ آئے روز نئی جدید ایجادات ہوتی رہتی ہیں کیونکہ اب انسان ٹیکنالوجی کی دنیا میں قدم رکھ چکا ہے۔

گاڑی بھی ایک ایجاد ہے جو کم وقت میں انسان کو ایک جگہ سے دوسری جگہ پہنچا دیتی ہے اور دورِ جدید کی گاڑیاں تو اپنی مثال آپ ہیں۔

گاڑیاں تیل ، پٹرول ، ڈیزل سے تو چلتی ہی ہیں لیکن اب جاپان کی کار بنانے والی مشہور و معروف کمپنی نے بجلی سے چلنے والی گاڑی متعارف کرائی ہے جسے گھر میں با آسانی چارج کیا جاسکتا ہے۔

جاپانی میڈیا رپورٹ کے مطابق کارمینوفیکچرنگ کمپنی ٹویوٹا نے پلس پوڈ نامی گاڑی متعارف کروائی جو جدید، منفرد اور خصوصیات کی حامل ہے۔

بظاہر چھوٹی مگر جاندار گاڑی میں ڈرائیور کے ساتھ ایک اور شخص کے بیٹھنے کی گنجائش ہے۔

کمپنی کی جانب سے جاری اعلامیے میں بتایا گیا ہے کہ الیکٹریکل گاڑی ماحول دوست ہے، یہ آب و ہوا اور ماحولیات کو شفاف رکھنے میں مدد گار ثابت ہوگی۔

کمپنی کی جانب سے بتایا گیا ہے کہ اس گاڑی کو فی الحال عام صارفین کے لیے متعارف نہیں کرایا گیا، پلس پوڈ 2022 تک مارکیٹ میں دستیاب ہوگی، جسے عام صارفین مارکیٹ سے خرید کر استعمال کرسکیں گے۔

ٹویوٹا کے مطابق گاڑی کو عام جرنیٹر سے بھی چارج کیا جاسکتا ہے، ایک بار بیٹری فل چارج ہونے کے بعد اسے دس گھنٹے تک مسلسل چلایا جاسکتا ہے۔