سردی کی ٹھنڈی راتوں میں کمبل اوڑھ کر سونے کا مزہ ہی بہت الگ ہے اور یہ بہت خوشگوار احساس ہوتا ہے سردی سے بچنے کے لئے بھی اور سکون کی نیند کے لئے بھی۔

لیکن سر کو ڈھک کر سونے کے بہت نقصانات بھی ہوتے ہیں جس کے بارے میں ہمیں اندازہ بھی نہیں رہتا کہ ہماری کی گئی اتنی چھوٹی سے غلطی سے ہمیں اتنا بڑا نقصان ہوسکتا ہے۔

نقصانات:

• ذہنی کمزوری:

سر ڈھک کر سونے سے دماغ کو صرف اس وقت تک آکسیجن ملتی ہے جب تک ہم جاگ رہے ہوں اور جب ہم سو جاتے ہیں ہمارے اعضاء اور دماغ سکون کی حالت میں آ جاتا ہے اور ہم یہ محسوس نہیں کر پاتے کہ دماغ کے ریشے سکڑ رہے ہیں اب آکسیجن کی ضرورت ہے لیکن درحقیقت سونے کے بعد دماغ کو آکسیجن نہیں ملتی اس کے علاوہ جسم میں داخل ہونے والی کاربن ڈائی آکسائیڈ کی مقدار میں اضافہ بھی ہوجاتا ہے۔ اس لئے کہا جاتا ہے کمبل سر پر ڈھک کر سونے سے گریز کریں کیونکہ ذہنی کمزوری انسان کو ذہنی معذور بنا دیتی ہے۔

• سانس کے مسائل:

کمبل کا وزن زیادہ ہوتا ہے اور یہی وجہ ہے کہ جب ہم سر سے پائوں تک کمبل اوڑھ کر سوتے ہیں تو اس کا وزن بھی محسوس ہوتا ہے جس سے سانس کے مسائل میں اضافہ ہو جاتا ہے کیونکہ ہمارا نظامِ تنفس کمزور ہو جاتا ہے اور جب ہم کمبل اتار دیتے ہیں تو سانس فوری بحال ہو جاتا ہے۔

• گندی ہوا:

کمبل میں چونکہ روئی اور دیگر دھاگوں کے پولی مرکبات سے مل کر بنتا ہے جس کی وجہ سے ان کے اندر صاف ہوا کا گزر نہیں ہو پاتا ہے اور پورا سر ڈھک کر سونے سے گندی ہوا ہی انسانی جسم کے اندر جاتی رہتی ہے اور ناک کی بلاکیج وغیرہ کا مسئلہ بھی ہوجاتا ہے۔

• کمزور بال:

اس طرح سونے سے ہمارے بال کمزو پڑ جاتے ہیں اور سر میں خشکی کے مسائل میں اضافہ ہو جاتا ہے ۔