برج خلیفہ کے سائز جتنا سیارچہ زمین کے بلکل پاس سے تیز رفتاری سے گزرے گا، سیارچے کو زمین سے با آسانی دیکھا بھی جا سکے گا۔
امریکی خلائی ایجنسی ناسا کے مطابق اتوار کے روز ایک تیز رفتار سیارچہ زمین کے پاس سے گزرے گا، جسے زمین سے با آسانی دیکھا بھی جا سکے گا، ناسا کا کہنا ہے کہ یہ سیارچہ سائز میں برج خلیفہ جتنا بڑا ہوگا۔
سعودی خبر رساں ادارے کے مطابق اتوار 29 نومبر کو برج خلیفہ کے حجم کے برابر یہ سیارچہ گرینچ کے وقت کے مطابق 10 بج کر 9 منٹ پر زمین کے پاس سے گزرے گا جبکہ پاکستان کے وقت کے مطابق صبح 5 بجے کے قریب اسے دیکھا جا سکے گا۔
علاوہ ازیں ناسا کے مطابق اس سیارچے کی رفتار 25.07 کلو میٹر فی سیکنڈ ہوگی، اسے دور بین کے بنا بھی با آسانی دیکھا جاسکے گا۔
واضح رہے کہ ناسا کے مطابق رواں برس کے مکمل ہونے تک مزید 5 سیارچے زمین سے گزریں گے۔