بند ناک کھولنے کا سب سے آسان اور تیز ترین طریقہ، اب مہنگی ادویات کے استعمال سے جان چھڑائیں

اگر ناک بند ہوجائے یا پانی کی طرح نزلہ بہنے لگے تو سانس لینا بھی دشوار ہوجاتا ہے۔ اس سے نجات حاصل کرنے کے لئے ہم ادویات کا استعمال کرتے ہیں جس سے یہ مسئلہ وقتی طور پر حل ہوجاتا ہے لیکن کچھ وقت بعد دوبارہ وہی صورتحال پیدا ہوجاتی ہے اور کبھی تو بہت زیادہ تکلیف دہ ہونے لگتا ہے۔

مشی گن اسٹیٹ یونیورسٹی کی ماہر ڈاکٹر لیزا ڈی سٹیفنو کا کہنا ہے کہ بعض اوقات ادویات کی وجہ سے ریشہ اندر ہی رہ جاتا ہے، سینا جکڑ جاتا ہے اور مزید پیچیدگیاں پیدا ہونے لگتی ہیں۔ ان کا کہنا ہے کہ اگر دوائیوں کے بغیر جلد اس مسئلے سے نجات حاصل کرنا چاہتے ہیں تو دو مشوروں پر ضرور عمل کریں۔

اپنے انگوٹھے اور زبان کا استعمال اپنے انگوٹھے کے ساتھ اپنی بھنووں کے درمیانی حصے کو تین سے چار سیکنڈ کے لئے دبائیں اور پھر اپنی زبان کو منہ کے اوپر والے حصے سے لگا دیں۔ اس حرکت کی وجہ سے آپ کے ناک کے اندر موجود بلغم باہر آئے گا۔

اس عمل کو 20 سیکنڈ تک جاری رکھیں اور دیکھیں پھر آپ کو کافی سکون محسوس ہوگا اور آپ بآسانی سانس لے سکیں گے۔ اپنی چھوٹی اُنگلی کا استعمال کریں دیکھنے میں یہ بہت عجیب لگتا ہے لیکن یقین کریں یہ بہت ہی کارگر نسخہ ہے۔

اپنے دائیں ہاتھ کی چھوٹی انگلی کو اپنے منہ میں لے جائیں اور جتنا ہوسکے بائیں جانب حلق کے گوشت کو چھوئیں آخری دانت سے جتنا بھی پیچھے لے جا سکیں اور اسے اوپر کی جانب دبائیں۔ اس عمل کو تین سیکنڈ تک کرنے سے چہرے میں کچھ مسلز حرکت میں آجائیں گے اور بلغم باہر آجائے گی۔