پی آئی اے آڈٹ میں ایک بار پھر اربوں کی کرپشن کا بڑا انکشاف

قومی ائیر لائن پی آئی اے کے آڈٹ کے دوران اربوں روپے کے غبن کا انکشاف ہوا ہے ، ایف آئی اے نے اس حوالے سے دو انکوائریز مکمل کرلیں ہیں-

جنگ نیوز میں شائع ہونے والی خبر کے مطابق قومی ائیر لائن پی آئی اے کے مالی آڈٹ کے دوران کرپشن اور غبن کا انکشاف ہوا ہے جبکہ ایف آئی اے کے حکام نے اس حوالے سے قومی ائر لائن پی آئی اے کے خلاف 2 تحقیقات بھی مکمل کرلی ہیں-

ایف آئی کی جانب سے شروع ہونے والی یہ دونوں تحقیقات مالی آڈٹ رپورٹ کے بعد مکمل کی گئی ہیں- یہ تحقیقات کارپوریٹ کرائم سرکل نے کی ہیں جس کے بعد پی آئی اے انتظامیہ کے خلاف قومی خزانے کو نقصان پہنچائے پر اب مقدمات درج کیے جانے کا بھی امکان ظاہر کیا گیا ہے-

ایف ائی اے ترجمان کے مطابق، ان مقدمات میں پی آئی اے کے مزید سینئر افسران کی گرفتاریاں متوقع ہیں۔

واضح رہے کہ اس سے قبل ایک مقدمے میں پی آئی اے کے سابق چیئرمین اور افسران پہلے ہی گرفتار ہوچکے ہیں۔