ایک آدمی کو روٹی دینے کے بعد پیچھے مڑ کر دیکھا تو وہ پانی میں ڈُبا کر کھا رہا تھا، بس یہ دیکھنا تھا کہ میرا دل بھر آیا۔۔۔ غریبوں کے دکھ کو محسوس کرتے ہوۓ ان میں راشن بانٹنے والے ننھے 'حسن عدیل' کی کہانی

دنیا میں بہت سے لوگ ایسے ہیں جو دوسروں کا درد محسوس کرنے کی صلاحیت اپنے اندر رکھتے ہیں لیکن کسی کی مدد بہت کم لوگ کرتے ہیں۔

ایک ایسی عمر جب بچوں کو موبائل فون اور طرح طرح کے کھیلوں سے فرصت نہیں ہوتی ایسے میں حسن عدیل نامی اس بچے نے وہ کر دکھایا جو آج تک کسی بچے نے سوچا بھی نا ہوگا۔

حسن نے 'بھوکے نہیں سوئیں گے' نامی سماجی ادارہ کی بنیاد رکھی جس کا مقصد بھوکوں کو کھانا کھلانا ہے۔ حسن سے جب پوچھا گیا کہ یہ خیال اسے کیسے آیا تو اس نے بتایا کہ ایک مرتبہ میں نے ایک شخص کو کھانے کے لیے روٹی دی اس کے بعد جب میں نے پیچھے مڑ کر دیکھا تو وہ پانی میں ڈُبا کر کھا رہا تھا، بس یہ دیکھنا تھا کہ میرا دل بھر آیا۔ میں نے سوچا بس اب کچھ کرنا ہے، اس دنیا میں اور ہمارے پاکستان میں ہزاروں افراد روز بھوکے سوتے ہیں، اب کوئی بھوکا نہیں سوئے گا۔

حسن نے کہا کہ 'ہم نے راشن بیگز کی تیاری کے لیے امداد جمع کرنا شروع کی، بہت سے لوگوں نے ہماری مدد کی، میں چاہتا ہوں کہ میرا ادارہ بھی جے ڈی دسترخوان کی طرح بے شمار لوگوں کی مدد کا سبب بنے'۔

حسن عدیل کی ویڈیو ملاحظہ کیجیے۔

View this post on Instagram

The kids we should actually know more! Has he been on nida yasirs show? :) Follow @voiceandvolume #multan #karachi #Lahore #islamabad #faisalabad

A post shared by Voice & Volume (@voiceandvolume) on Oct 11, 2020 at 10:01pm PDT