نمل میں کورونا کیسز۔۔۔ یونیورسٹی سیل کر دی گئی

وفاقی دارالحکومت اسلام آباد میں واقع پاکستان کی نامور یونیورسٹی نمل میں کورونا کے کیسز سامنے آئے ہیں جس کے باعث یونیورسٹی کو سیل کردیا گیا۔

ڈی سی حمزہ شفقات کا اس متعلق کہنا ہے کہ 'یونیورسٹی سیل کرنے کے ساتھ ساتھ کورونا سےمتاثرہ طالبعلم کے ڈیپارٹمنٹ اور ہاسٹل کو فوری طور پر بند کردیا گیا ، سٹاف اور طلباء کے کورونا ٹیسٹ کئے جارہے ہیں'۔

ان کا کہنا تھا کہ 'نجی اسکول کے تین بچوں میں بھی کورونا وائرس کا شبہ ہوا ہے، تاہم متاثرہ کیمپس کو فوری طور پر بند کردیا گیا ہے، جبکہ اسکول کے عملے کے بھی کورونا ٹیسٹ کئے جارہے ہیں'۔