ایک خاتون نے خود کو بچانے کے لیے ڈاکوؤں کا مقابلہ کیسے کیا؟ ویڈیو دیکھیں

شہرِ قائد میں کچھ سال تک رہنے والا امن اب تقریباً ختم ہو چکا ہے، آئے دن اسٹریٹ کرائمز کی بڑھتی واردات میں اضافہ نے شہریوں کو سخت پریشان کردیا ہے۔

سوشل میڈیا پر روز ہی کوئی نہ کوئی اس قسم کی ویڈیو وائرل ہوتی ہے جبکہ ملزمان کے چہرے بھی واضح طور پر دکھائی دیتے ہیں، لیکن پھر بھی ان میں سے پکڑا کوئی نہیں جاتا۔

حال ہی میں ایک ویڈیو سوشل میڈیا پر کافی وائرل ہو رہی ہے، جس میں دیکھا جا سکتا ہے کہ 2 ڈاکوؤں نے خاتون سے ان کا بیگ چھین لیا لیکن خاتون نے اتنی آسانی سے اپنا بیگ نہ دیا۔

یہ واقعہ گلبرگ بلاک 12 میں رونما ہوا، تاہم خاتون نے بھرپور مزاحمت کرتے ہوئے ڈاکو کو زمین پر گرا دیا۔ ڈاکو نے خاتون پر تشدد بھی کیا اور آخر میں ہینڈ بیگ بھی چھین لیا۔

کارروائی کر کے ڈاکو فائرنگ کرتے ہوئے باآسانی موقع واردات سے فرار ہوگئے۔

فرار ہونے والے ڈاکوؤں پر قریبی گھر سے پتھر سے حملہ بھی کیا گیا لیکن بدقسمتی سے ہمیشہ کی طرح وہ بچ نکلنے میں کامیاب ہو گئے۔