پب جی صرف گیم نہیں ہے، لوگوں کا کاروبار اس سے وابستہ ہے، پردہ دار خواتین گھر بیٹھے چار پیسے کما رہی ہیں۔۔۔ عامر لیاقت حسین پب جی بند ہونے پر برہم

مشہورِ زمانہ موبائل گیم پب جی کے ہر طرف چرچے ہیں، پاکستان میں ہر چھوٹا بڑا اس گیم کا دیوانہ نظر آتا ہے لیکن اس وقت اس گیم کے مداحوں کو شدید جھٹکا لگا جب پی ٹی اے کی جانب سے اسے بند کرنے کا اعلان کیا گیا۔

اس حوالے سے ڈاکٹر عامر لیاقت حسین نے سماجی رابطے کی ویب سائٹ ٹوئٹر پر ایک ویڈیو جس میں ان کے ساتھ وقار ذکا موجود ہیں، شیئر کی ساتھ ہی کیپشن بھی تحریر کیا۔

عامر لیاقت حسین کا کہنا تھا کہ ہم ویسے ہی ٹیکنالوجی میں انڈیا سے بہت پیچھے ہیں، ہم Esports میں آگے جا رہے تھے، بھارت کو ہرا رہے تھے۔

انہوں نے مزید لکھا کہ پب جی صرف ایک گیم نہیں ہے، لوگوں کا کاروبار اس سے وابستہ ہے، پردہ دار خواتین تک گھر بیٹھے اس گیم سے چار پیسے کما رہی ہیں۔

پتہ نہیں پی ٹی اے @PTAofficialpk کو کون سا کیڑا کاٹ گیا ہے یا اندر ہے؟ پب جی گیم نہیں ہے، لوگوں کا کاروبار اس سے وابستہ ہے، پردہ دارخواتین تک گھر بیٹھے چار پیسےکما رہی ہیں، ہم Esports میں آگے جا رہے تھے، بھارت کو ہرا رہے تھے کہ پی ٹی اے کو بچھو لڑ گیا#WaqarZaka #pubgban pic.twitter.com/xR1CHuYZHr

— Aamir Liaquat Husain (@AamirLiaquat) July 29, 2020