کورونا وائرس کے کسز میں دن بدن کمی دیکھنے میں آرہی ہے جبکہ کراچی میں کیسز کم ہونے کی بڑی وجہ سامنے آگئی ہے۔
تفصیلات کے مطابق قومی ادارہ برائے امراض خون کے سربراہ ڈاکٹر طاہر شمسی کا کہنا ہے کہ کراچی کے ایک تہائی شہریوں نے اپنے اندر کورونا کے خلاف مزاحمت پیدا کر لی ہے اور کم کیسز کی وجہ شہریوں میں اینٹی باڈیز کا بننا ہے اور یہ ایک ٹیسٹنگ مرکز کے ڈیٹا پر ریسرچ کے نتائج ہیں۔ جو صرف مردوں کے ٹیسٹ کے ڈیٹا پر کی گئی ہے۔
تحقیق سے پتہ چلا ہے کہ اکثر افراد میں کورونا کی علامات سامنے نہیں آئیں، جس کی وجہ یہ ہے کہ ان میں اینٹی باڈیز بن گئی ہیں۔ جو کورونا کے خلاف مزاحمت پیدا کرتی ہیں۔
ڈاکٹر طاہر شمسی کی جانب سے یہ دعویٰ بھی کیا گیا کہ 70 فیصد شہریوں میں اینٹی باڈیز بن جائیں تو شہر ہرڈ امیونیٹی بن جائے گا۔
تاہم انہوں نے کہا کہ بڑے پیمانے پر ٹیسٹنگ تک ہرڈ امیونیٹی کا کہنا قبل از وقت ہوگا کیوں کہ ابھی صرف علامات والے لوگوں کے ٹیسٹ کیے جا رہے ہیں۔