ملک میں تیل اور گیس کی تلاش میں بڑی کامیابی مل گئی ہے۔
تفصیلات کے مطابق ایم او ایل کمپنی نے خیبرپختونخوا کے ضلع کوہاٹ میں تیل وگیس کے ذخائر دریافت کر لئے۔
حکام کی جانب سے اس متعلق اعلامیہ جاری کیا گیا ہے، جس میں یہ بتایا گیا ہے کہ نئی دریافت سے 16.12 ایم ایم سی ایف ڈی گیس کی پیداوار ہوگی جبکہ 3240 بیرل یومیہ کنڈنسیٹ تیل بھی حاصل ہوگا، کمپنی کی جانب سے مزید ٹیسٹنگ بھی جاری ہے۔
اس سے قبل بھی کوہاٹ ڈھوک حسین کے مقام پر دریافت گیس کا منصوبہ مکمل کرلیا گیا تھا، جس کے بعد 12 ایم ایم سی ایف ڈی کی 14 کلومیٹر طویل لائن ایس این جی پی ایل میں شامل ہوگئی تھی۔
رواں ماہ کے آغاز میں او جی ڈی سی ایل کا کہنا تھا کہ تھل ایسٹ ویل نمبر 1 اور بھمبرا کنواں نمبر1 سے دریافت گیس کی کمرشل پیداوارکا آغاز کردیا گیا ہے، جس سے ملک میں گیس پیداوار میں اضافہ ہوگا۔
تاہم اوجی ڈی سی ایل کے مطابق دونوں دریافتوں سے ملکی زرمبادلہ میں خاطر خواہ بچت ہوگی، صارفین صنعت کی بڑھتی طلب کو بھی پورا کرنے میں معاون ثابت ہوگی۔