سینئیر اینکر پرسن آفتاب اقبال کورونا وائرس کا شکار ہوگئے تھے جس کے بعد اب ان کی طبیعت پہلے سے بہتر ہے، ڈاکٹروں نے انھیں مذید پانچ دن قرنطینہ میں رہنے کی ہدایت کی ہے۔
آفتاب اقبال نے کا کہنا ہے کہ آپ لوگ اس وباء کا بھرپور طریقے سے مقابلہ کریں اور حوصلے بلند رکھیں۔ یہ بلکل نہ سمجھیں کہ یہ ایک مزاق یا کوئی بین الاقوامی سازش ہے بلکہ اس مسئلے کو سنجیدگی سے حل کرنے کی کوشش کریں۔
ان کے مطابق یہ ایک احمقانہ بات ہے کہ کورونا نہیں ہے بلکہ یہ ایک کڑوا سچ ہے جسے بہر حال تسلیم کرتے ہوئے آگے بڑھنا ہوگا اور کورونا ہوجانے کی صورت میں آپ قرنطینہ اختیار کریں ساتھ ہی خدا سے گہرا تعلق بنائیں کیونکہ یہ وباء جان لیوا ہے۔ اس سے ڈرنا نہیں لڑنا ہے، آپ اگر اس سے ڈریں گے تو آپ کے لئے مسائل ہوں گے۔
آفتاب اقبال نے عوام کو قرنطینہ میں رہنے کے چند مفید مشورے دئیے ہیں وہ کہتے ہیں کہ ورزش اور یوگا جیسی کثرتیں کریں۔ لمبے سانس لیں اور ساتھ میں سورہ فاتحہ پڑھتے رہیں۔ یہ آپ کے مدافعتی نظام کو بہتر بنانے میں مدد دے گا۔ آپ کے پھیپھڑوں کیلئے مفید رہیں گے۔
اپنی غذا اور نیند کا زیادہ سے زیادہ خیال رکھیں۔ وقت پر سوئیں وقت پر جاگیں متوازن غذا کا استعمال کریں۔
ان کا مذید کہنا ہے کہ اگر آپ کے قریبی کسی کو کورونا ہوگیا ہے تو اس کو بجائے فون کال کرنے کہ آپ صحتیابی اور دعائیہ کلمات والے پیغامات بھیج دیں۔
کیونکہ اس بیماری میں فون کال کرنے سے پھیپھڑوں میں تکلیف کی شکایت بڑھنے لگتی ہے۔ مذید دیکھیں اس وڈیو میں: