پاکستان مسلم لیگ (ن) کی ترجمان مریم اورنگزیب کا کورونا ٹیسٹ مثبت آگیا ہے جس کے بعد انہوں نے خود کو قرنطینہ کرلیا ہے۔
اطلاعات کے مطابق سابق وفاقی وزیر مملکت برائے اطلاعات و نشریات مریم اورنگزیب نے اس بات کی تصدیق کی ہے کہ ان کا اور ان کی والدہ کا کورونا ٹیسٹ مثبت آیا ہے۔
ان کا کہنا ہے کہ میں نے آخری ملاقات سابق وزیراعظم شاہد خاقان عباسی سے کی تھی۔ مجھے احتیاط نہ کرنے کی وجہ سے کورونا ہوا ہے۔
ان کا مذید کہنا تھا کہ کل صبح مجھے بخار ہوا تومیں نے اپنا کورونا ٹیسٹ کرایا جو مثبت آیا ہے۔
مگر بخار کے علاوہ مجھ میں کورونا کی کوئی دوسری علامت نہیں تھی لیکن کورونا ٹیسٹ مثبت آنے کے بعد میں نے خود کو قرنطینہ کرلیا ہے۔