ملک بھر میں شدید سردی! کراچی والے کر لیں تیاری، بارش جو ہے آنے والی

کراچی سمیت ملک بھر میں سردی کی شدت برقرار ہے۔ کوئٹہ کی طرف سے چلنے والی سائيبيرين ہوائیں کراچی میں سردی کی شدت میں اضافہ کر رہی ہیں۔ جمعرات کی صبح بھی شہر کے مختلف علاقوں میں بوندا باندی ہوئی جس سے سردی میں مزید اضافہ ہو گیا تھا۔ شہر میں کم سے کم درجہ حرارت 9 ڈگری ریکارڈ کیا گیا تھا جبکہ سردی 7 ڈگری والی محسوس ہو رہی تھی۔

محکمہ موسمیات نے کراچی والوں کو آنے والے ہفتے میں بارش کی نوید سنا دی ہے۔ تفصیلات کے مطابق 6 اور 7 جنوری کو کراچی میں بارش کا امکان ہے جو سردی کی لہر میں اضافے کا سبب ہوں گی۔

نا صرف کراچی بلکہ اندرون سندھ بھی سخت سردی اور دھند کی لپیٹ میں ہے۔ ٹنڈوالہ يار ميں کم سے کم درجہ حرارت 5 جبکہ ميرپور خاص ميں 6 سينٹی گريڈ ريکارڈ کيا گيا۔ لواری ٹنل کے اپروچ روڈ پر 2 فٹ تک برف پڑ چکی ہے جس کی وجہ سے آنے جانے والوں کو کافی مشکل کا سامنا ہے۔ اس کے علاوہ چترال میں بھی معمول کے علاوہ برف باری ریکارڈ کی گئی۔ وادی نیلم نے بھی برف کی سفید چادر اوڑھ لی جس سے سردی میں کافی حد تک اضافہ ہوگیا۔ محکمہ موسميات کے مطابق برفباری کا سلسلہ آئندہ 12 گھنٹے تک جاری رہے گا