اداکارہ سوناکشی سنہا کے شوہر ظہیر اقبال کون ہیں اور دونوں کی ملاقات کیسے ہوئی؟
،تصویر کا ذریعہ@ASLISONA
بالی وڈ کی معروف اداکارہ سوناکشی سنہا اور اداکار ظہیر اقبال نے دونوں سے متعلق کئی ہفتوں سے جاری قیاس آرائیوں کے بعد ممبئی میں ایک نجی تقریب کے دوران شادی کر لی ہے۔
تاہم سوشل میڈیا پر ایک خاص طبقے کی جانب سے انھیں ٹرولنگ کا سامنا ہے۔ یہ ٹرولنگ اتنی سخت اور شدت پسندانہ رہی ہے کہ نئے جوڑے نے اپنے انسٹا گرام اکاؤنٹ پر شادی کے اعلان کے بعد کمنٹس کے سیکشن کو بند کر دیا ہے۔
’ہیرا منڈی‘ کی مرکزی اداکارہ سوناکشی سنہا اور ظہیر اقبال نے کورٹ میرج کی ہے اور لکھا ہے کہ ’اب ہم میاں بیوی ہیں۔‘
سوناکشی اور ظہیر نے ممبئی کے باندرہ میں ساحل سمندر پر واقع اپارٹمنٹ میں شادی کی۔ ان کے خاندان نے یہ فیصلہ کیا تھا کہ وہ نہ تو ہندو رسم و رواج کے مطابق شادی کریں گے اور نہ ہی مسلم رسم و رواج کے مطابق۔
اس لیے انھوں نے کورٹ میرج کی۔
شادی کے بعد ممبئی کے علاقے ورلی میں ’بستیاں‘ نامی ریستوراں میں ایک استقبالیے کا اہتمام کیا گیا جس میں سلمان خان، انیل کپور، کاجول اور ہما قریشی سمیت بہت سے اداکاروں، سیاستدانوں اور صنعت کاروں نے شرکت کی۔
،تصویر کا ذریعہsocial media
شادی کا اعلان اور سوناکشی کے والد شتروگھن سنہا کا بیان
اپنی انسٹاگرام پوسٹ میں ’دبنگ‘ فلم کی اداکارہ سوناکشی اور ظہیر نے شادی کے بارے میں لکھا کہ ’ہم نے اپنے دونوں خاندانوں اور خدا کی مہربانی سے شادی کی۔
سات سال قبل اسی دن ہم دونوں نے ایک دوسرے کی آنکھوں میں محبت دیکھی تھی، ہم نے محبت کو اس کی خالص ترین شکل میں دیکھا اور اسے برقرار رکھنے کا فیصلہ کیا۔
یہ محبت ہمیں چیلنجز کے باوجود کامیابیوں تک لے گئی ہے اور آج ہم اس لمحے تک پہنچ گئے ہیں جہاں ہمارے خاندان اور خدا دونوں کی برکت سے اب ہم میاں بیوی ہیں۔‘
اس تحریر میں ایسا مواد ہے جو Instagram کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Instagram ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
Instagram پوسٹ کا اختتام
شادی کی تقریب میں سوناکشی سنہا کے والد اور اپنے زمانے کے سٹار شتروگھن سنہا اور ان کی اہلیہ پونم سنہا بھی تھیں۔
شادی کی خبر کے بعد سے ہی سوشل میڈیا پر سوناکشی سنہا اور ان کے والد اور اب ترنمول کانگریس سے رکن پارلیمان شتروگھن سنہا کو ٹرولنگ کا سامنا رہا۔
بہر حال اب جہاں ’شادی مبارک‘ اور سوناکشی اور ظہیر اقبال ٹرینڈ کر رہے ہیں لیکن اس سے پہلے اس رشتے کو ’لو جہاد‘ کے مبینہ حصے کے طور پر تنقید کا نشانہ بنایا گيا۔
جب سوناکشی سنہا کی ایک مسلم اداکار سے شادی کی خبریں گردش کرنے لگیں تو میڈیا والے ان کے والد شتروگھن سنہا کے پاس تصدیق کے لیے پہنچ گئے۔
شتروگھن نے اپنے انداز میں کہا کہ وہ بھی اس متعلق مطلع کیے جانے کے منتظر ہیں اور پھر مزید کہا کہ ’آج کل کے بچے ماں بات کی اجازت نہیں لیتے صرف مطلع کرتے ہیں۔‘
،تصویر کا ذریعہGetty Images
بہر حال انھوں نے ایک دوسرے چینل سے بات کرتے ہوئے ساری افواہوں کو رد کرتے ہوئے کہا کہ ’میں شادی میں ضرور شریک ہوں گا۔ میں شرکت کیوں نہیں کروں گا اور کیوں نہیں وہاں ہوں گا؟ اس (سوناکشی) کی خوشی میری خوشی ہے۔ اسے اپنے ساتھی اور اپنی شادی کی دیگر تفصیلات کا انتخاب کرنے کا پورا حق حاصل ہے۔‘
انھوں نے زوم چینل کو بتایا کہ سوناکشی اور ظہیر ’ایک ساتھ بہت اچھے لگتے ہیں۔‘
بالی وڈ کے بہت سے دیگر فنکار جن میں عالیہ بھٹ اور پرینیتی چوپڑہ بھی شامل ہیں انھوں نے اس نئے جوڑے کو سوشل میڈیا پر شادی کی مبارکباد دی ہے۔
،تصویر کا ذریعہGetty Images
ظہیر اقبال کون ہیں اور دونوں کی ملاقات کیسے ہوئی؟
بی بی سی اردو کی خبروں اور فیچرز کو اپنے فون پر حاصل کریں اور سب سے پہلے جانیں پاکستان اور دنیا بھر سے ان کہانیوں کے بارے میں جو آپ کے لیے معنی رکھتی ہیں
سبسکرائب کرنے کے لیے کلک کریں
مواد پر جائیں
جیسا کہ سوناکشی سنہا نے لکھا ہے کہ وہ دونوں سات برسوں سے محبت کے بندھن میں ہیں۔ مقامی چینلز کی خبروں کے مطابق کہا جاتا ہے کہ ان دونوں کی ملاقات اداکار سلمان خان نے ایک تقریب کے دوران کروائی تھی۔
پھر سلمان خان نے ظہیر اقبال کو ’نوٹ بک‘ نامی فلم سے لانچ کیا تھا۔ جبکہ اس سے قبل انھوں نے سوناکشی سنہا کو اپنی فلم ’دبنگ‘ سے لانچ کیا تھا۔
سوناکشی سنہا اور ظہیر اقبال نے پھر سنہ 2022 میں ایک ساتھ ’ڈبل ایکس ایل‘ نامی فلم میں کام کیا لیکن اس دوران لوگوں کو ان کے درمیان پروان چڑھتی محبت کی خبر نہیں تھی۔
لیکن گذشتہ سال دونوں سلمان خان کی بہن ارپتا خان کی عید پارٹی میں جب ایک جوڑے کے طور پر شریک ہوئے تو ان کے رشتے اور قربتوں کی باتیں ہونے لگیں۔
ظہیر اقبال کا تعلق ایک امیر گھرانے سے ہے۔ ان کے والد اقبال رتنسی ایک جوہری اور بزنس مین ہیں۔ ان کی والدہ گھریلو خاتون ہیں۔ ان کے خاندان کا سلمان خان کے ساتھ گہرا رشتہ ہے جیسا کہ اداکار کے ساتھ ظہیر کی بچپن کی تصویر سے ظاہر ہوتا ہے۔
ان کا پورا نام ظہیر اقبال رتنسی ہے۔ انھوں نے ممبئی سکاٹش سکول سے گریجویشن کیا جہاں فلم ’اینیمل‘ کے سٹار رنبیر کپور ان کے سینیئر تھے۔
ظہیر نے بالی وڈ میں 2019 میں ’دی نوٹ بک‘ نامی فلم سے کیریئر کا آغاز کیا جس میں کاجول کی بھانجی پرنوتن بہل ان کے ساتھ تھیں۔ سلمان خان کی پروڈیوس کردہ یہ فلم تھائی فلم 'دی ٹیچرز ڈائری' پر مبنی تھی۔
سنہ 2022 میں ظہیر نے سوناکشی سنہا اور ہما قریشی کے ساتھ ایک سوشل کامیڈی فلم 'ڈبل ایکس ایل' میں کام کیا، جس میں دو بڑے سائز کی خواتین کو شہری علاقوں میں درپیش چیلنجوں کی عکاسی کی گئی تھی۔
،تصویر کا ذریعہsocial media
سوشل میڈیا پر ٹرولنگ
سوناکشی سنہا کے والد شتروگھن سنہا ایک زمانے تک بی جے پی کے اہم رہنماؤں میں شمار ہوتے تھے لیکن مودی حکومت میں وہ نظر انداز ہوتے رہے۔ یہاں تک کہ انھوں نے رواں سال ترنمول کانگریس کے ٹکٹ پر پارلیمانی انتخابات میں شرکت کی اور کامیابی سے ہمکنار ہوئے۔
وہ مودی حکومت کے ناقد بھی رہے ہیں جس کی وجہ سے وہ ایک حلقے میں اب پسند نہیں کیے جاتے ہیں۔ ان کے گھر کا نام ’رامائن‘ (ہندوؤں کی مقدس کتاب) ہے اور ان کے بھائیوں کا نام رامائن کے اساطیری ناموں رام، لکشمن اور بھرت ہیں اور یہ ان سے بڑے ہیں۔
جبکہ شتروگھن سنہا کے بیٹوں کے نام بھگوان رام کے بیٹوں کے ناموں پر لو اور کش ہیں۔
اس تعلق سے شتروگھن سنہا اور ان کے اہل خانہ ٹرول ہو رہے ہیں اور اب ٹرولنگ دوسری جانب سے بھی جاری ہے جس میں کہا جا رہا ہے کہ ’رامائن میں ایک مسلمان کی انٹری۔‘
بہر حال ایسے لوگ بھی ہیں جو ان کی شادی کو ان کا نجی معاملہ کہہ کر انھیں مبارکباد دے رہے ہیں۔
اپاسنا بنرجی نامی ایک صارف نے لکھا کہ ’پتا نہیں ہندو اور مسلمان کیوں لڑ پڑے ہیں۔ یہ دونوں ہی کسی کی شادی پر کیوں خوش نہیں ہو سکتے اور نفرت پھیلاتے ہیں‘
’سوناکشی کو دونوں مذاہب سے تعلق رکھنے والے صارفین کی جانب سے ٹرول کرتے دیکھنامضحکہ خیز ہے۔ سوناکشی سنہا آپ کو مبارک ہو اورآپ جیسی خاتون کو مزید طاقت عطا ہو۔‘
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام, 1
ابھیشیک گوئل نامی ایک صارف نے لکھا کہ ’سوناکشی اور ظہیر کو شادی مبارک۔ اتنی میمز اور نفرت کے باوجود دونوں نے اپنے رشتے کو انجام تک پہنچایا جو کہ قابل تعریف ہے۔
’حد اس وقت ہوئی جب بات شادی تک نہ رکی بلکہ صارفین ان کی کردار کشی تک جا پہنچے۔ وہ دوسروں کی خوشی کو برداشت نہیں کر سکتے۔ ہرگز نہیں۔‘
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام, 2
شوراج یادو نامی ایک صارف نے لکھا کہ ’آؤ آپ کو دکھاتے ہیں بھکتوں کی منافقت۔ اگر سوناکشی سنہا ظہیر اقبال سے شادی کرتی ہے تو یہ لو جہاد ہے اور اگر شیوم دوبے انجم خان سے شادی کرتے ہیں تو یہ سچا پیار ہے۔
’کیا یہ دوغلاپن شروع سے ہے یا 2014 کے بعد آیا ہے؟ سوناکشی سنہا کو شادی مبارک!‘
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام, 3
بہت سے لوگوں نے ایک ٹویٹ کو شیئر کیا ہے کہ ’رامائن میں آج ایک مسلم کی انٹری ہوئی ہے۔‘
’شتروگھن سنہا نے ناممکن کو ممکن کر دکھایا۔ سوناکشی اور ظہیر اقبال کی شادی مبارک ہو بھکتو۔‘
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام, 4
یاد رہے کہ اس سے قبل جب گذشتہ سال بالی وڈ اداکارہ سوارا بھاسکر نے ایک مسلم نوجوان فہد احمد سے شادی کی تھی تو اس وقت بھی انھیں شدید ٹرولنگ کا سامنا کرنا پڑا تھا۔
ویسے ایک طبقہ بالی وڈ میں اس قسم کی شادی کا شدید مخالف رہا اور وہ شاہ رخ خان کی گوری خان سے شادی، یا سیف علی خان کی کرینہ کپور سے شادی، یا پھر عامر خان کی کرن راؤ کی شادیوں سے بہت نالاں رہتے ہیں اور اسے لو جہاد کا نام دیتے ہیں۔
ان کا خیال یہ ہے کہ اس طرح وہ ہندو خواتین کو اسلام میں داخل کر رہے ہیں۔
