روہت شرما کے ہاں بیٹے کی پیدائش۔۔۔

بھارتی کرکٹ ٹیم کے کپتان روہت شرما کے ہاں خوشیوں کی لہر دوڑ گئی، ان کے گھر بیٹے کی پیدائش ہوئی ہے۔ بھارتی میڈیا کے مطابق اسی ذاتی خوشی کے سبب وہ آسٹریلیا ٹیسٹ سیریز کے لیے ٹیم کے ساتھ روانہ نہیں ہو سکے۔ تاہم توقع کی جا رہی ہے کہ ذاتی مصروفیات مکمل ہوتے ہی روہت ٹیم کو جوائن کر سکتے ہیں۔

روہت اور ان کی اہلیہ ریتیکا سجدے کے ہاں یہ دوسری اولاد ہے۔ ان کی بڑی بیٹی سمیرا چھ سال کی ہے۔

یاد رہے کہ اس سے قبل بھارت اور آسٹریلیا کے درمیان ہونے والی 5 میچوں کی بارڈر گواسکر ٹرافی نے شائقین میں جوش بھر دیا تھا۔ سیریز کے پوسٹر پر آسٹریلوی کپتان پیٹ کمنز کے ساتھ بھارتی کپتان کے بجائے ویرات کوہلی کی تصویر شامل کرنے سے مداحوں میں چہ مگوئیاں شروع ہو گئیں کہ آیا کوہلی کپتانی کریں گے۔

بھارت کو اس اہم سیریز میں جیتنا ضروری ہے، کیونکہ کامیابی ہی انہیں آئی سی سی ورلڈ ٹیسٹ چیمپئن شپ کے فائنل میں جگہ دے سکتی ہے۔ دوسری صورت میں ٹیم کے فائنل میں رسائی کا انحصار دیگر ٹیموں کے نتائج پر ہوگا۔